منتديات دنقلا الاصالة والتاريخ  

العودة   منتديات دنقلا الاصالة والتاريخ > إعلامي المنتدى > مكتبة الاستاذ عباس حسن محمد علي طه

مكتبة الاستاذ عباس حسن محمد علي طه مكتبة تحوى كتابات الاستاذ عباس حسن محمد علي طه

إضافة رد
 
أدوات الموضوع انواع عرض الموضوع
قديم 18-11-2013, 10:20 AM   #1
 
تاريخ التسجيل: Oct 2009
المشاركات: 144
عباس حسن محمد علي طه is on a distinguished road
hasry رسالة من يو دنقلا لأبنائها

رِسَالَةٌ عَاجِلَة مِن (يو دنقلا) إلى أبنَائها !
[CENTER]
عباس حسن محمد علي طه- جزيرة صاي
/CENTER]
يو دنقلا جالسة وصابرة لوحدها بعد سفر أبنائها وهي تعد الحصى مسكينة ماذا تفعل فراق الأبنا ء صعب وهي تقول: وحتى الطيف رحل وخلاها
تمهيد: هذه رسالة خيالية من حبوبتنا (يو دنقلا) بنفس لغة حبوباتنا والهدف منها تشويق وربط النوبيين وخاصة جيل الشباب بمنطقتهم وتاريخ وجغرافية ماضيهم حفاظاً لتراثهم وعاداتهم وتقاليدهم وثقافتهم وإرثهم الحضاري ولغتهم النوبية التي تعد من أقدم اللغات في العالم و حتى لا تندثر بعد هجرتهم داخل وخارج الوطن وإبتعادهم كثيرا.
فيما يلي نص الرسالة: يا أبنائي وَوِلادِي وبناتي كيف حالكم؟ مَسّكاقرو، سريناقمينو؟ يا وِلادِي أنا مشتاقة ليكم كتييير هالص ويا حلييلكم وأطفالكم الصغيرين ،اُنتو هَسِع عآرفين أنا منو؟ يا هلييلكم أنا حبوبتكم يو دنقلا وبناتي مقاوادا- الغدار- لتي- كدا كول– عرب حاج– أمنتاقو- ناوا –زرايب– أم كرابيج–أم عقال- تمنار–الكاسورة- الدوم –السليم – أقدي - حامد نارتي- بونارتي– أنقوري – إيماني– السير- الترعة– تبو- كدركة– دبتود- موجراب– دارالعوضة– السرارية – أباتة – كمنار– كودي– دبالا -أرقو– البرقيق – رومي البكري – القولد –دمبو – شابتود– الخندق- سالي - سوري – أوربي – تيتي – الصحابة- شيخ شريف- سورتود – لبب – ود نميري – أقجا – مراغة - كابتود – جرادة – الزورات – كويه– دمبو – بركية – حفير مقاصر– بنا– إرس– موسي هم كتييريين ما شاء الله تبارك الله بس أنا هايفة من العين و وأختي الكبيرة دنقلا العجوزودنقلا العرضي و جبال النوبة اختي بالرضاعة سافرت مني زمان، يا وِلادِي وأخواتي السكوت وهلفا ومحس وأخوات بالأب فاديجا وكنوز أنا زعلانة منكم شديد هالص هالس عشان اُنتو بقيتوا بعييدين مني وطوّلتم في الغربة، وأنا ما شُفت أطفالكم الصغييرين من زمان وجيل كامل من الشباب ويا حلييلهم وين راحوا مني؟ ليه نِسِيتُوني كده وما تجونا حتى في الإجازات؟ أنا زمان وقت الضيق والشِدة ربيتكم أحسن تربية بالعادات والتقاليد السمحة والأمانة والتعليم وبقيتوا أهل حضارة وثقافة و أحسن ناس في العالم في التواصل والتكافل الإجتماعي بجمعياتكم ومنتدياتكم في الأفراح والأتراح، تعالوا شوفوا حدودي مع أختي نوبة مصر صدقوني ما في حدود آمِنَة ومُستِقِرة زي حدودنا في الدنيا ،ما في مسدس واحد بيطخطخ ولا حرامية و بِيُوتِي كُلها مفتوحة 24 ساعة عشان أنا أصلي حضارة وادي النيل فيها النخيل (فَنتِي) والجروف (بَندِي دَسِي) والعم والخال والآثاروالجمال والسياحة من زمن بعانخي وترهاقا وبوهين وكوش ونبتة،أنا ربيتكم في زمن الضيق والشدة زمان بعرق جبين أجدادكم ولكن بعزة نفس،زرعوا الفول والمكادا والسرِنقي بالشواديف والسواقي وركبوا المراكب الحمير (كَجّو) ولبسوا دمورية ولكن بعزة نفس والخير كان وفير وربيتكم وماشاء الله اللهمصلي على النبي بقيتوا موظفين كبيريين ومخندسين ومخامين ومدرسين ودكتوريين ومخاسبين ،بس آيه الفايدة يا أولادي؟ أنتو في الغربة عندكم جمعيات كتيرة وتصرفوا آلاف الريالات في إيجار إستراحات ونسيتوا أيام أجدادكم وأنا كل يوم أبكي،وكفاية كده تعالوا عندي مع أطفالكم جنب بحر المسورى تعالوا عَمّروا بيوتنا ومدارسنا ومستشفياتنا من الريالات الكتيرة ال بتصرفوها بره(يا ساتر يو نوبا وقعت من العنقريب والدموع بللت طرحتها وبناتها حلفا محس سكوت نقلا وفاديجا وكنوز واقفات جنبها وهن يبكين إإإ إهينق إهينق إهينق ) وفاقت قليلاً وتقول:آهـ أنا بقيت كبيرة خالص ويمكن تاني ما تشوفوني ويا هليلكم الطريق حسه ساهل هالس هالس زلت وأسمنت من أمدرمان طووش تجي تفطروا عندي مش زي زمان وكوبري دنقلا طوالي يو تيرن كمان أنا يا دنقلا بت النوبة بت العز ما عايزة منكم ريالاتكم ولا دولاراتكم ومتسعد أرسليكم لو دايرين وفول السليم يكفي العالم كما ولو جيتوا عندي تاني كمان بربيكم أنا سمعت أولادي في السعودية بيصححوا أوضاعهم ليه كده ؟ أنا يو دنقلا مصححة أولادي من زمان وحضارة النوبة أقدم حضارة في العالم
وما سلامة يا أولادي آفيالوقو، نورين هسبلوقو وبدأت تبكي وكأنها آخر وداع
-
__________________

عباس حسن محمد علي طه - جوال :0544676864 - الرياض[
عباس حسن محمد علي طه غير متواجد حالياً   رد مع اقتباس
قديم 18-11-2013, 02:39 PM   #2
 
تاريخ التسجيل: Oct 2009
المشاركات: 144
عباس حسن محمد علي طه is on a distinguished road
افتراضي

وحتى الطيف رحل وخلاني
شوفوا مناظر من يو دنقلا
__________________

عباس حسن محمد علي طه - جوال :0544676864 - الرياض[
عباس حسن محمد علي طه غير متواجد حالياً   رد مع اقتباس
قديم 19-11-2013, 09:13 AM   #3
:: رئيس مجلس الإدارة ::
 
الصورة الرمزية شريف علي حاكم
 
تاريخ التسجيل: Feb 2009
المشاركات: 5,317
شريف علي حاكم is on a distinguished road
افتراضي

لك التحية والتقدير استاذى عباس.. هذه الرساله مهمة يا جماعة يجب الوقوف عندها.. رسالة من يو دنقلا يعنى من يوة الكبيرة.. هذه الرسالة لكل أبنا ئها وبناتها وأحفادها... أوقف وتأمل عبا رتها وكلماتها.. هى تستغيث بكم فهل من مغيث........ شكراً جزيلاً أستاذنا الباحث النوبى عباس حسن محمد علي طه حفيد الملوك
__________________
لا اله الا أنت سبحانك انى كنت من الظالمين..........كلنا دنقلا
شريف علي حاكم غير متواجد حالياً   رد مع اقتباس
قديم 14-01-2014, 02:10 PM   #4
 
تاريخ التسجيل: Oct 2009
المشاركات: 144
عباس حسن محمد علي طه is on a distinguished road
افتراضي

اقتباس:
المشاركة الأصلية كتبت بواسطة شريف علي حاكم
لك التحية والتقدير استاذى عباس.. هذه الرساله مهمة يا جماعة يجب الوقوف عندها.. رسالة من يو دنقلا يعنى من يوة الكبيرة.. هذه الرسالة لكل أبنا ئها وبناتها وأحفادها... أوقف وتأمل عبا رتها وكلماتها.. هى تستغيث بكم فهل من مغيث........ شكراً جزيلاً أستاذنا الباحث النوبى عباس حسن محمد علي طه حفيد الملوك

أيوووي أيووي أنا مبسوتة هالس هالس عشان ثبتوا هطابي ده في الإنترنتخ بتاعي شكراً ليكم بس في أولادي كتييرين ما ردوا ليه يا أولادي وبناتي كده؟؟؟؟
من ترف يو دنقلا
__________________

عباس حسن محمد علي طه - جوال :0544676864 - الرياض[
عباس حسن محمد علي طه غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:01 AM.


جميع المواضيع والمشاركات المطروحه تعبر عن وجهه نظر الكاتب ولا علاقه لمنتديات دنقلا بها.
تطوير وتصميم استضافة تعاون